Comunicado en euskera

2015eko azaroaren 4an, salbuespenezko epaitegi moduan jarduten duen Audientzia Nazionalak Straight Edge Madrid taldeko 6 kide atxilotu zituen. Atxiloketan euren eskubideak urratu ziren. Haien delitu bakarra hauxe da: ideologia anarkista, beganoa eta droga-mota guztien kontrakoa defendatzea. Ezagunak dira jardunaldi antiespezistak eta drogarik gabeko festak antolatzeagatik, eta gazteentzako aisialdi-aukera alternatiboak eta osasungarriak bultzatzeagatik. Operazio errepresibo haren ondorioz, lau lagun aske geratu ziren, baina karguekin, eta 3.000 eta 10.000 euro arteko fidantzak ordainduta. Beste bi kide, ordea, behin-behinekoz espetxeratu zituzten, fidantzarik gabe. Horietako bati, Nahueli, FIES erregimeneko 3. artikulua ezarri zioten (arriskutsutzat dituzten presoentzat pentsatua da neurri hori) eta horrek baldintza bereziki gogorrak pairatu behar izatea eragin du: isolatuta egon da 30 egunez; animalia-jatorriko osagairik gabeko dieta edukitzea debekatu diote; lekualdatu egin dute 24 ordu lehenago jakinarazteko beharra bete gabe eta abar. Salbuespenezko neurri horien helburua garbia da: Nahueli eragozpenak jartzea espetxeko egunerokotasunera ohitzeko. Hori guztia gutxi balitz, gainera, deiak murriztu dizkiote, komunikazioak kontrolatzen dizkiote eta gimnasioa erabiltzea debekatu diote. Abenduaren erdialdera arte, prozesua sekretupean egon zen. Hortaz, eta abokatuek ez zekitenez akusatuei zer delitu leporatzen zitzaien, horrek urratu egin du atxilotuen eskubidea defentsa judizialerako. Bitxia da; Erregimeneko hedabideek akusatuek edo abokatuek ez zakiten informazioa zeukaten. Gaur egun, auzia instrukzio-fasean dago, eta ikerketa irekita. SxE Madrid kolektiboaren aurkako ICE operazioa aldaketa sozialaren alde konprometituta dauden gazteen aurka azken urteetan abiarazi diren operazioetako bat da, beste bat. Disidentziaren kontrako jazarpen ideologiko argia da hau, eta ziur gaude inputatuak errugabeak direla. Horregatik, zera eskatzen dugu: Nahuel askatzea eta kasuan inplikatutako beste guztiak absolbitzea. 


NAHUEL ASKATU 
PRESO POLITIKOAK ASKATU 
 ABSOLUZIOA BORROKATZEAGATIK AUZIPERATUTA DAUDEN GUZTIENTZAT

No hay comentarios:

Publicar un comentario